Tilbake1,3 miljárdda olbmos máilmmis lea doaibmavádjitvuohta. Máŋggas sis ellet geafivuođas ja sis ii leat seamma vejolašvuohta oažžut oahpu, dearvvašvuođaveahki ja barggu go earáin. Soahte- ja riidoguovlluin lea eallin erenoamáš váttis doaibmavádjigiidda, ja riiddut vearjjuiguin dagahit eanet roasmmehuvvamiid.
Palestiinnas lea balahahtti ahte olles buolva mánát šaddet bajás duođalaš doaibmavádjitvuođaiguin soađi geažil.
Tv-akšuvnna ruđat mannet skuvlavázzimii, dearvvašvuođabálvalusaide ja heahteveahkkái, ja maiddái veahkkeneavvuide nugo skuvlagirjjiide main lea čuokkesčála rullastuoluide ja proteasaide. Mii addit 200 000 doaibmavádjigiidda ja sin bearrašiidda Palestiinnas, Ukrainas, Etiopias, Nepalas, Tanzanias, Ugandas ja Zambias buoret eallima.
Ovttas galgat mii:
- sihkkarastit skuvlavázzima eanet mánáide geat leat doaibmavádjigat
- addit dearvvašvuođaveahki ja veahkkeneavvuid nugo čuoikkaid, rullastuoluid ja vilges soappi olbmuide geain lea heajos oaidnu ja čalmmehemiide.
- sihkkarastit ahte heahteveahkki olaha doaibmavádjigiid. Soađis ja riidduin sii leat erenoamáš rašit
- veahkehit olbmuid gieđahallat váivves vásáhusaid mentála dearvvašvuođaveahkibokte
- fállat álggahanloanaid ja oahpu, nu ahte eanebut besset bargui
- bargat servošiiguin jávkadit negatiivvalaš oainnuid ja olggušteami, nu ahte buohkat sáhttet searvat
Mii lea Atlas-lihttu
Atlas-lihtu vuođđudusas leat gávcci organisašuvnna doaibmavádjigiid várás. Atlas-lihttu bargá riikkaidgaskasaččat ovttaveardásaš vuoigatvuođaid ja vejolašvuođaid oččodit doaibmavádjigiiddda.
Atlas-lihttu sisttisdoallá:
- Norges Blindeforbund
- Funksjonshemmedes Fellesorganisasjon
- Norsk Forbund for Utviklingshemmede
- Norges Handikapforbund
- Ryggmargsbrokk- og hydrocephalusforeningen
- Mental Helse Ungdom
- Norges Døveforbund
- Stiftelsen Signo
